Praktihkalaš dieđut 

Sisaváldin:
Jus leat gažaldagat sisaváldima birra OVDAL 01.08.25 fertet váldit oktavuođa Finnmárkku fylkkagieldda sisaváldinkantuvrrain tlf 78963000. Dáppe gávnnat dieđuid sisaváldima birra: https://www.ffk.no/tjenester/skole-og-opplaring/opplaring-i-skole/inntak-til-videregaende-opplaring/

Borgemánu 1.beaivvi váldá skuvla badjelasas sisaváldima. Riŋges 78469600 dahje sádde e-poasta post@sami.vgs.no jus ii leat ožžon skuvlasaji, háliidat leat vuordinlisttas dahje dahkat rievdadusaid.

 

Diehtojuohkin reivve ohppiide ja skuvlaruvtto:
Diehtojuohkin reivve skuvlaálgima jna sáddejuvvo ohppiide borgemánu 4.beaivvi rájes. 
2025/26 skuvlaruvtto gávnnat skuvlla ruovttusiiddus:  Skuvlaruvtto 2025/26 SJS Kárášjogas

Orrunsadji / láigolatnja / verddebearaš:
Jus leat jearaldagat orrunsaji dahje verddebearašortnega birra, váldde oktavuođa min birasbargiin Lisbeth Johnskareng tlf 47 78 67 98 dahje e-poastta lisbeth.johnskareng@sami.vgs.no bokte . 
Loga eambbo verddebearašortnega birra dáppe: https://www.sami.vgs.no/verddebeara.570064.se.html

Ávžžuhat maid ahte iskat facebooka ja eará sosiála mediaid láigovisttiid ektui.

Stipeanda ja loatna lånekassenis:
Go válddat vuostá skuvlasaji berret seammás ohcat stipeandda/loana Lånekassenis. Mii duođaštat ahte leat álgán skuvlii vuosttaš skuvlavahkku borgemánus. Loga eambbo ja oza stipeandda dáppe: https://lanekassen.no/nb-NO

Skuvlasáhttu:
Jus dus lea riekti skuvlasáhttui de fertet váldit oktavuođa skuvlla ovdakantuvrra bargiiguin 04.08.25 rájes, sii de veahkehit du ohcat skuvlasáhtu. Don sáhtát finadit skuvllas dahje váldit oktavuođa tlf bokte 78469600 / 99369600.

Dáppe sáhtát lohkat eambbo ja iskat lea go dus riekti skuvlasáhttui: https://snelandia.no/skoleskyss/videregaende-skole/

 

Hálbbiduvvon oahppidihtor jo1 ohppiide: 

Buot jo1-ohppiin galgá leat dihtor mielde vuosttaš skuvlabeaivvi. Oastte hálbbiduvvon dihtora skuvlla neahttauskkádaga (nettportal) bokte.

Diŋgo dihtora dáppe: https://svgs.itnord.no (Neahttauskkádat rahppo 04.08.25)

Loga eambbo ortnega birra dáppe: https://www.sami.vgs.no/ikt-ja-ohppiid-dihtor.569540.se.html

Vuosttaš skuvlabeaivi lea vuossárgga borgemánu 18.beaivvi 2025